Gintama (Xüsusi buraxılış #1)

Amanto adlı yadplanetlilər Yer kürəsini ələ keçirdikdən sonra samuray qılınclarının gəzdirilməsini qadağan edirlər. Yaranmış yeni qaydalara məhəl qoymayan və şirniyyat sevgisi ilə seçilən Qintoki Sakata isə ənənəvi döyüşçü ruhunu yaşatmağa davam edir. Eynəkli və yöndəmsiz Şimpaçi onun yanına şagird kimi daxil olur.

Çox keçmədən kainatın ən güclü döyüşçü klanı Yatodzokuya mənsub olan Kaqura və onun begemot boyda nəhəng iti Sadaharu da onlara qoşulur. Bu qəribə dəstə pul qazanmaq üçün hər cür sifarişi icra edən universal xidmət bürosu açaraq fəaliyyətə başlayır.

2005-ci il istehsalı olan «Gintama: Nanigoto mo Saisho ga Kanjin na no de Tashou Senobi Suru Kurai ga Choudo Yoi» xüsusi anime filmi Yaponiyanın məşhur «Sunrise» studiyasında hazırlanıb. Ekran işinə Çidzuru Miyavaki və Şinci Takamatsu rejissorluq edib, obrazları isə Tomokazu Suqita, Rie Kuqimiya və Daysuke Sakaquçi səsləndirib.