Qumlar ölkəsi

Qlobal müharibənin viran qoyduğu gələcəkdə dünya nəhəng bir səhraya çevrilib və bütün su ehtiyatları xəsis bir kralın əlində toplanıb. Şərif Rao xalqı xilas etmək ümidi ilə çoxdan itmiş gölü axtarmağa qərar verir. Kömək üçün iblislərin hökmdarına üz tutan şərifə dəstək olaraq hökmdarın oğlu Bəlzəbub və onun köməkçisi Tif göndərilir.

Bu qeyri-adi üçlük ucsuz-bucaqsız qumluqları aşaraq təhlükəli bir səyahətə çıxır. Yolda onları yırtıcı əjdahalar, quldur dəstələri və ən başlıcası, krallığın amansız ordusu gözləyir. İnsan və iblislər sağ qalmaq üçün bir-birlərinə güvənməyi öyrənməli olurlar.

«Sand Land: The Series» adlı 13 seriyalı anime serialı Yaponiya istehsalıdır və Sunrise, Kamikaze Douga həmçinin Anima studiyaları tərəfindən ərsəyə gətirilib. Layihənin rejissor kürsüsündə Hiroshi Kojina və Toshihisa Yokoshima əyləşib.