İstəmədən ölümsüz olan macəraçı

İyirmi beş yaşlı Rent artıq on ildir ki, bədheybətləri ovlamaqla məşğuldur. Qeyri-adi bacarıqlara sahib olmadığı üçün o, ən zəif qoblinləri və lil məxluqlarını məhv edərək cüzi qazanc əldə edir. Günlərin birində rastlaşdığı naməlum yeraltı zindanda Rent əjdahanın qurbanına çevrilir və nəhəng yırtıcı tərəfindən udulur.

Lakin gənc döyüşçü həlak olmur, gözlərini dirilmiş skelet cildində açır. Başına gələnlərdən sarsılsa da, Rent sevdiyi işi davam etdirmək və bildiyi üsullarla canavarlarla vuruşmaq qərarına gəlir. Onun əsas gizli məqsədi isə tədricən inkişaf edərək yenidən əvvəlki insan qiyafəsinə qayıtmaqdır.

On iki seriyadan ibarət olan «Nozomanu Fushi no Boukensha» fentezi anime serialı 2024-cü ildə Yaponiyanın Connect studiyası tərəfindən ərsəyə gətirilib. Ekran əsərinin quruluşçu rejissorları Noriaki Akitaya və Tsutomu Murakamidir. Baş rolları Ryota Suzuki, Mikako Komatsu, Ikumi Hasegawa və Genta Nakamura səsləndiriblər.