Eden

İnsanların yer üzündən silinməsindən min il ötür və planetdə təbiətə qayğı göstərən şüurlu robotlar hökm sürür. Günlərin birində kənd təsərrüfatı ilə məşğul olan iki mexanizm içərisində insan körpəsi olan xüsusi kapsul tapır. Eden-3 məkanında insanlara inanmaq sərt şəkildə cəzalandırıldığı üçün onlar uşağı gizlicə böyütmək məqsədilə fərqli düşünən robotların sığınacağına qaçırlar.

İllər keçdikcə böyüyən Sara adlı gənc qız öz varlığı ilə bağlı cavabsız suallarla üzləşir. Yaşadığı mühitdən fərqli olduğunu dərk edən qəhrəman mənşəyinin sirrini çözməyə və bəşəriyyətin keçmişini anlamağa çalışır.

Dörd seriyadan ibarət olan «Eden» anime serialı ABŞ və Yaponiya istehsalıdır. Ekran əsəri Qubic Pictures və CGCG Studio tərəfindən hazırlanıb, layihənin rejissorluğunu isə Yasuhiro Irie icra edib.