Kimsəsiz planetdə sağ qalmaq

İyirmi ikinci əsrdə insanlar yararsız hala düşmüş Yeri tərk edərək digər planetlərdə məskunlaşıblar. Kosmik uçuşlar və cazibəsiz oyunlar cəmiyyət üçün adiləşib. Məktəb ekskursiyası zamanı baş verən xəta nəticəsində Luna adlı gənc tələbə, onun robot iti və altı sinif yoldaşı qravitasiya qasırğasına düşürlər. Bu fırtına uşaqları naməlum və insan yaşamayan bir planetə aparıb çıxarır.

Vəhşi təbiətdə qalmaq təcrübəsi olmayan yeniyetmələr burada gündəlik həyatlarını təmin etmək və sağ qalmaq üçün birgə çalışmağa məcbur olurlar. Yardım gözləyən gənclər yad mühitin yaratdığı sınaqlarla üzləşirlər. Çox keçmədən onlar addım atdıqları bu ərazinin həqiqətən tamamilə kimsəsiz olub-olmadığını anlamağa çalışırlar.

«Mujin wakusei Survive» adlı 52 seriyalı yapon anime serialı 2003-cü ildə yayımlanıb. Ekran işi Yuichiro Yano və Yasunaga Tsuji tərəfindən Madhouse və Telecom Animation Film studiyalarında hazırlanıb. Əsas personajları Yukiko Iwai, Mabuki Ando, Junko Minagawa və Kiyoe Koizuka səsləndirib.