Cadugərin şəfəqi

Venias Krallığının Sehr Akademiyasında oxuyan Seybl dərslərindən ən zəif qiymətlər alan tələbədir və keçmişi barədə heç nə xatırlamır. Yaddaşını bərpa etmək istəyən gənc direktor Albusun cənub bölgəsindəki xüsusi təlim tapşırığını qəbul edir. Ona cadugər Ru Kristas, buynuzlu qız Holt və kərtənkələyəbənzər Kudd yoldaşlıq edir. Bu heyət cadugərlərə nifrətin hələ də güclü olduğu torpaqlarda xüsusi bir kənd salmalıdır.

Səfər boyu dördlük «Dia İqnis» adlı keçmiş cadugər ovçularından qorunmaq məcburiyyətində qalır. Təşkilatları illər öncə buraxılsa da, keçmiş döyüşçülər hələ də sehrbazları hədəf alır. Heyətin əsas dayağı Runun xüsusi əsası və Seyblın tükənməz sehr gücüdür. Tapşırıq uğursuz olarsa, Seybl akademiyaya aid xatirələrini və onu xilas etmiş gümüşüsaçlı sehrbazı tapmaq ümidini birdəfəlik itirəcək.

«Mahou Tsukai Reimeiki» adlı 12 seriyalı anime serialı 2022-ci ildə Yaponiyanın Tezuka Productions studiyası tərəfindən istehsal olunub. Rejissor Satoşi Kuvabaranın çəkdiyi layihə «Sıfırdan başlayan cadugərlik kitabı» kainatına aiddir. Baş qəhrəmanları Şuiçiro Umeda, Miho Okasaki, Sayumi Suzuşiro və Taku Yaşiro səsləndirib.