Başqa dünyada aptek

Bacısını sağalmaz şiş xəstəliyi ucbatından itirən tibb tədqiqatçısı Kanji Yakutani ömrünü ağır xəstəliklərə qarşı dərmanlar hazırlamağa həsr edir. Fasiləsiz və ağır elmi fəaliyyət onun öz səhhətinə zərbə vurur və alim otuz bir yaşında həddindən artıq yorğunluqdan həyatını itirir. Lakin onun hekayəsi bununla bitmir: o, başqa bir aləmdə nüfuzlu təbib ailəsindən olan on yaşlı Falma adlı uşağın bədənində yenidən dünyaya gəlir.

Əvvəlki həyatındakı biliklərini qoruyub saxlayan qəhrəman kimyəvi tərkibini bildiyi istənilən maddəni yaratmaq və bərpa etmək üçün sehrli güc əldə edir. Falma bu bacarıqlarından yararlanaraq təbəqəsindən və maddi vəziyyətindən asılı olmayaraq hər kəs üçün tibbi xidməti və dərmanları əlçatan etmək qərarına gəlir.

2022-ci ildə Yaponiyanın «Diomedéa» studiyası tərəfindən istehsal olunan «Isekai Yakkyoku» fentezi anime serialı on iki epizoddan ibarətdir. Ekran əsərinin rejissorları Keizo Kusakawa və Shota Ibata olub, əsas personajları isə Aki Toyosaki, Reina Ueda, Kaede Hondo və Kenji Nomura səsləndirib.