Hatena Illusion

Uzun illər əvvəl sehirli artefaktlar oğurlanaraq dünyanın dörd bir yanına səpələnmişdi. Fövqəltəbii gücə malik bu əşyalar sirrdən xəbərdar olmamalı insanların əlinə keçdi və onların qüdrətindən sui-istifadə edənlərə fəlakət gətirdi. Hosisato sehrbaz ailəsi itmiş relikviyaları tapmaq və onları aid olduqları yerə qaytarmaq qərarına gəlir. Ailənin gənc üzvü Hatena ləqəbli Kana Hosisato təcrübəsiz olsa da, axtarışlarda valideynləri Mamoru və Meyvə yardım etməyə çalışır.

Bu vaxt onların malikanəsinə sehr sənətini öyrənmək üçün Makoto Siranui təşrif buyurur. Hatena uşaqlıq dostu ilə qarşılaşdığına sevinir, lakin illərdir qız sandığı bu insanın əslində oğlan olduğunu anlayanda məyusluq yaşayır. Çox keçmədən Makoto artefaktların sirrindən və heyran qaldığı sehrbazların əsl kimliyindən xəbər tutur. Bütün bunlara baxmayaraq, o, Hatenaya layiqli tərəfdaş olmaq üçün inadla sehr dərslərinə davam edir.

12 seriyalı «Hatena Illusion» komediya və fantaziya anime serialı 2020-ci ildə Yaponiyada nümayiş olunub. Ekran işi Children's Playground Entertainment studiyası tərəfindən hazırlanıb və rejissoru Sin Matsuodur. Əsas obrazları Maoto Itimiti, Yositsugu Matsuoka, Aina Suzuki və Miyu Tomita səsləndirib.