Berserk: Hökmdarın Beheriti

Təkbaşına vuruşan və amansız gücü ilə tanınan muzdlu Qats heç vaxt döyüşdə məğlub olmayan Şahinlər dəstəsi və onların rəhbəri Qriffits ilə qarşılaşır. Xarizmatik liderin təklifi ilə bu məşhur birliyə qoşulan döyüşçünün indiyədək vərdiş etdiyi həyat tərzi büsbütün dəyişir.

Yeni sıralarda Qats Qriffitsin etimadını doğrultmaq üçün döyüş meydanında cəsarət nümayiş etdirir. Onun igidliyi dəstənin digər üzvlərinin, eləcə də yeganə qadın qılıncoynadan olan Kaskanın hörmətini qazanır. Əldə edilən uğurlar Qriffitsi gizli niyyətlərinə yaxınlaşdırır, lakin bu yolun hansı qurbanlar tələb edəcəyi hələ heç kəsə bəlli deyil.

«Berserk Ogon Jidai-hen I: Hao no Tamago» tammetrajlı animesi 2012-ci ildə Yaponiyada istehsal olunub. Rejissorluğunu Toshiyuki Kubookanın etdiyi layihədə baş qəhrəmanları Hiroaki Iwanaga, Takahiro Sakurai, Toa Yukinari və Yuki Kaji səsləndirib.