Momoya məktub

Gənc Momo səs-küylü Tokiodan ölkənin ucqar bir guşəsində yerləşən sakit ada şəhərciyinə köçməli olur. Yeni mühitə öyrəşməyə çalışan qızın fikrini atasından qalan yarımçıq məktub məşğul edir. Bu kağız parçasında cəmi iki söz yazılıb: «Əziz Momo».

Çox keçmədən qızın sakit ada həyatında paytaxtda heç vaxt rastlaşmadığı qəribə və fövqəltəbii hadisələr baş qaldırır. Baş verən bu anlaşılmaz vəziyyətlərlə üzləşən Momo addım-addım atasının yazdığı sirli məktubun mənasını anlamağa doğru irəliləyir.

Tammetrajlı «Momoya məktub» animesi yapon rejissoru Hiroyuki Okiura tərəfindən 2011-ci ildə ərsəyə gətirilib. Fantaziya, dram və komediya janrlarını birləşdirən layihədə əsas rolları Karen Miyama, Yuka, Daizaburo Arakawa və Toshiyuki Nishida səsləndirib.