Titanların hücumu: Xronika

Nəhəng divarlar uzun illər boyunca insanları kənarda dolaşan qaniçən divlərdən qoruyurdu. Xüsusi zəkaya sahib olmayan bu nəhəng varlıqlar insanları yeməkdən zövq alırdılar. Yüz il ərzində daş sədlərin arxasında dinc həyat sürən xalq, nəhəng bir bədheybətin qəfildən peyda olub divarı dağıtması ilə yenidən təhlükə ilə üzləşdi.

Eren və ögey bacısı Mikasa divarın uçulmasına və şəhərə soxulan nəhənglərin törətdiyi dəhşətə şahid olurlar. Gözləri qarşısında analarının bir bədheybət tərəfindən diri-diri yeyilməsi Ereni sarsıdır. Həmin an gənc oğlan bütün nəhəngləri məhv edəcəyinə və bəşəriyyətin qisasını alacağına söz verir.

«Titanların hücumu: Xronika» (Shingeki no Kyojin: Chronicle) tammetrajlı anime filmi 2020-ci ildə Yaponiyada istehsal olunub. Rejissor kürsüsündə Tetsuro Araki və Masashi Koizuka əyləşib, əsas qəhrəmanları isə Yuki Kaji, Yui Ishikawa və Marina Inoue səsləndirib.