Vaka – ovsunlanmış döyüşçü

Gənc Vakanın atası keçmişdə Boşluq iblisləri ilə döyüşərək onları Mənbə Kristalının daxilinə həbs etmişdi. Aradan xeyli vaxt keçdikdən sonra qəhrəman ata dünyasını dəyişir, həmin sehirli kristal isə itirilir. Şər qüvvələr yenidən azadlığa çıxaraq ətraf aləmi təhlükə altına qoyduqda, müdafiə yükü Vakanın və onun yoldaşlarının üzərinə düşür.

Dostlar iblisləri dayandırmaq üçün qadağan olunmuş torpaqlara, yerin alt qatlarına və paralel kainatlara doğru yola çıxırlar. Bu təhlükəli səfər zamanı onlar ətyeyən nəhəng çiçəklərlə və daşdan yaranmış canlılarla qarşılaşmalı olurlar. Qarşılarına çıxan maneələrə baxmayaraq, dəstə qaranlıq varlıqları öz torpaqlarından qovmaqda qərarlıdır.

«Vaka – ovsunlanmış döyüşçü» Çin istehsalı olan tammetrajlı anime filmi 2022-ci ildə nümayiş olunub. Layihənin rejissoru Sin Süyhueydir, personajları isə Meqan Spenser, Dilan Makkinnon, Tom Kutzee və Cona Dolleri səsləndirib.