Conception

Məktəb məzuniyyəti günü İtsukinin yaxın dostu və qohumu Mahiru gözlənilmədən hamilə olduğunu bildirir. Elə həmin an peyda olan sirli portal hər iki gənci yad bir məkana, Qranvaniya torpaqlarına aparır. Bu yeni diyar isə natəmizlik adlanan qorxunc varlıqların basqınları altında viran qalmaqdadır.

Tezliklə məlum olur ki, dünyanı xaosdan qorumaq missiyası məhz İtsukinin üzərinə düşür. Təhlükəni dəf etmək üçün o, bürcləri təmsil edən on iki ulduz qızla birlikdə ulduz övladlar dünyaya gətirməlidir. Bu tapşırığı vaxtında yerinə yetirməsə, gənc qəhrəmanın öz doğma evinə qayıtmaq şansı qalmayacaq.

On iki seriyadan ibarət olan «Conception» adlı fentezi animesi 2018-ci ildə Yaponiyanın Gonzo studiyasında hazırlanıb. Rejissor Keitaro Motonaqanın çəkdiyi layihədə əsas rolları Kazusa Aranami, Kana Asumi, Aya Endo və Yukiyo Fujii səsləndirib.