Teana: 10000 il sonra

Sivilizasiyanın süqutundan on min il ötüb və torpaqlar müxtəlif qəbilələrin məskunlaşdığı nəhəng bir xarabazara çevrilib. Bu xalqların mövcudluğu Vuşen adlı qədim texnologiya kabusunun peyda olması ilə təhlükə altına düşür, çünki o, bütün canlıları özünə tabe etmək niyyətindədir.

On yaşlı balaca Cuma aslana bənzəyən sadiq tibet mastifi Canqon ilə birlikdə efir ilahəsinin rəhbərliyi altında uzun bir yola çıxır. Qızcığazın əsas məqsədi sağ qalmış tayfaları bir araya gətirərək dağıdıcı qədim güclərə yiyələnmək istəyən bu qəddar varlığın qarşısını almaqdır.

2015-ci ildə Çində istehsal edilmiş bu fantastik animasiya filminin quruluşçu rejissoru Li Yi olub. Baş rolları isə Joma, Chaoxiang Ming, Chong Wang və Yalayam səsləndiriblər.