Kacchikenee!

On yeddi yaşlı Ayko günlərini məbəddə keçirir. Vaxtilə o, buradakı sürüşmə qapının yarımçıq qalmış naxışını böyüyəndə tamamlamağı arzulasa da, illər keçdikcə gündəlik qayğılar ucbatından bu fikrindən uzaqlaşıb. Lakin ziyarətgahın astanasında peyda olan qəribə bir qonaq hər şeyi dəyişir.

Aykonun babası və baş rahib yad adamın məbəddə qalmasına razılıq verirlər, qız isə əvvəlcə bu qərara kəskin etiraz edir. Zamanla gəncin heç bir pis niyyətinin olmadığını görən qız ona alışır və aralarında yaxınlıq yaranır. Buna baxmayaraq, sirli qonağın əslində kim olduğu sual altındadır.

«Kacchikenee!» qısametrajlı fentezi animesi 2016-cı ildə Yaponiyada nümayiş olunub. Ekran işi məşhur «Tezuka Productions» studiyası tərəfindən hazırlanıb və rejissoru Fumihiro Yoshimuradır. Əsas personajları İchitaro Ai, Himika Akaneya, Rion Kako və Chiyako Shibahara səsləndiriblər.