Küləklərin oğlu Matasaburo

Atasının işi səbəbilə gənc qız böyük şəhəri tərk edərək kəndə köçməyə məcbur qalır. Yeni məktəbdəki sinif yoldaşları gəlmə qıza soyuq yanaşır və onunla dostluq etməyə tələsmirlər. Oradakı oğlanlardan biri qızın diqqətini çəksə də, inciməkdən və tənqid olunmaqdan çəkindiyi üçün ünsiyyət qurmaqdan uzaq durur.

Kənd həyatı getdikcə ona cansıxıcı gəlir və şəhər üçün darıxma hissi nifrətə çevrilir. Lakin günlərin birində onun qarşısına qeyri-adi bir varlıq — külək tanrısı çıxır. Bu təsadüfi görüş onun kənddəki çətin günlərini tamamilə fərqli istiqamətə yönəldir.

Qısametrajlı «Kaze no Matasaburo» animesi 2016-cı ildə Yaponiyanın Buemon studiyası tərəfindən hazırlanıb. Ekran işinin rejissoru Hiroki Yamadadır. Əsas obrazları Masahiko Tanaka, Natsuki Inaba və Satoshi Yamazaki səsləndiriblər.