Elflərin taxtı

«Throne of Elves» tammetrajlı animasiya filmi gənc döyüşçü Lambertin elf şahzadəsinin toy mərasiminə dəvət alması ilə başlayır. Elf qızı Liya ilə yenidən görüşmək fürsətinə sevinən Lambert hava gəmisi ilə Elf diyarına doğru yola çıxır.

Lakin toyun keçiriləcəyi torpaqlarda vəziyyət gərgindir. Qaranlıq elflərin hökmdarı Yelena saray əyanlarının xəbərsiz olmasından istifadə edərək şənliyi pozmaq və Qara Əjdahanın qədim kristalını ələ keçirmək üçün hücum hazırlayır.

ABŞ və Çinin birgə istehsalı olan bu layihə 2017-ci ildə nümayiş olunub və «Dragon Nest: Warriors' Dawn» franşizasının davamıdır. Mili Pictures studiyasında çəkilən filmin rejissorları Yi Ge və Yuefeng Song, baş rolların səsləndiriciləri isə Gavin Hammon, Ashley Boettcher, Gilbert Bose və Julie Nathansondur.