Tibet iti

Anasını itirən on yaşlı Tyantszin şəhəri tərk edərək uşaq ikən onu qoyub getmiş atasının yanına, ucsuz-bucaqsız Tibet çöllərinə yollanır. Kənd mühitinə alışmaqda çətinlik çəkən oğlan, atasının da soyuq və azdanışan münasibəti ilə qarşılaşır. Gözlənilmədən qarşısına çıxan qızılı rəngli Tibet mastifi onun həyatını qurtarır və bu hadisə hər şeyi dəyişir.

Əvvəllər bu tərəflərdə görünməyən yad itin bu cəsarəti Tyantszini ona möhkəm bağlayır. Lakin heyvan tez-tez naməlum istiqamətə yoxa çıxır, həmin günlərdə isə ərazidə insanlara və mal-qaraya qəddarcasına hücum edən vəhşi bir məxluq peyda olur.

«Tibet inu monogatari» tammetrajlı anime filmi 2011-ci ildə Yaponiya və Çinin birgə istehsalı kimi işıq üzü görüb. Ekran əsərini «Madhouse» studiyasında rejissor Masayuki Kojima ərsəyə gətirib, əsas obrazları isə Tatsuomi Hamada, Toshio Kakei, Kaori Yamagata və Norio Wakamoto səsləndirib.