One Off

Kənd yerində böyüyən Haruno Shiozaki böyük şəhərə köçmək arzusu ilə yaşayır. Lakin gələcəyin qeyri-müəyyənliyi gənc qızda böyük tərəddüdlər yaradır. Motosikleti ilə dünyanın yarısını gəzmiş avstraliyalı Sintiya Bi Rocers Shiozaki ailəsinin kafesində işə düzələndə Harunonun həyatı yeni mərhələyə qədəm qoyur.

Səyahətçi qadınla tanışlıq məktəbli qıza öz istəklərinə başqa gözlə baxmağa kömək edir. Sintiyanın sərbəstliyi və qətiyyəti Harunonu cəsarətləndirir, eyni zamanda onun rəfiqələrini də yeni hədəflərə doğru addım atmağa ruhlandırır.

«One Off» adlı 4 seriyalıq Yaponiya anime serialı 2012-ci ildə işıq üzü görüb. Gündəlik həyat janrında olan bu layihə TYO Animations studiyası tərəfindən hazırlanıb və onun rejissoru Junichi Satodur. Baş qəhrəmanları Saori Goto, Saori Hayami, Sayuri Yahagi və Eri Kitamura səsləndirib.