Code Geass: Qiyamçı Leluş (1-ci mövsüm)

Britaniya imperiyası güclü hərbi qüvvəsi ilə dünyanın üçdə birini ələ keçirir. İşğal edilən və adı dəyişdirilərək Zona 11 adlandırılan Yaponiyada Leluş adlı bacarıqlı şagird kiçik bacısı ilə dinc ömür sürməyə çalışır. O, əslində anasını itirmiş və taxt hüququndan məhrum edilmiş Britaniya şahzadəsidir. Yerli üsyançılarla imperiya ordusu arasındakı qarşıdurmaya düşən gənc C.C. adlı sirli qızla qarşılaşır və insan iradəsini idarə edən fövqəltəbii Qias gücünü qazanır.

İntiqam almaq istəyən gənc bu fürsətdən yararlanaraq həm atasından, həm də dövlətdən hesab sormağa başlayır. Üzünə maska taxıb Zero adını götürən Leluş gizli müqavimət hərəkatının rəhbərinə çevrilir. Eyni zamanda o, Aşford Akademiyasında təhsil alan adi şagird rolunu davam etdirərək iki fərqli həyat yaşamaq məcburiyyətində qalır.

Sunrise studiyası tərəfindən 2006-cı ildə Yaponiyada istehsal olunan «Code Geass Hangyaku no Lelouch» animesinin ilk mövsümü 25 seriyadan ibarətdir. Ekran işinə Qoro Taniquçi və Masato Miyoşi rejissorluq edib, baş rolları isə Cün Fukuyama, Yukana, Ami Koşimizu və Takahiro Sakurai səsləndirib.