Tayşo dövrünün beysbolçu qızları

1925-ci ildə Yaponiya Qərb mədəniyyətinin güclü təsiri altında dəyişməyə başlayır. Gənc Komenin atası Avropa tərzində restoran işlətsə də, qızının müasir məktəbli forması geyinməsinə qarşı çıxaraq onu kimonoda gəzməyə məcbur edir. Bir gün Komenin zəngin ailədən olan sinif yoldaşı Akiko gözlənilməz bir təkliflə çıxış edir. Kübar bir məclisdə gənc beysbolçudan qadınların idmana yox, yalnız ailə qurmağa layiq olduğu barədə kobud sözlər eşidən Akiko bu stereotipi sındırmaq qərarına gəlir.

Özünə qarşı haqsızlığa dözməyən Akiko məktəbdə qızlardan ibarət beysbol komandası yaratmağı qarşısına məqsəd qoyur və Komeni də bu işə cəlb edir. Tezliklə onların sıralarına fərqli xarakterə malik digər qızlar da qoşulur. Lakin komandanın qarşısında böyük bir problem var: toplanan məktəblilərin heç biri beysbol qaydalarını bilmir və bu oyunu oynamaq təcrübəsinə malik deyil.

«Taishou Yakyuu Musume.» adlı tarixi-idman anime serialı 2009-cu ildə Yaponiyanın «J.C.Staff» studiyası tərəfindən istehsal olunub və 12 seriyadan ibarətdir. Rejissoru Takaşi İkehata olan ekran əsərinin baş qəhrəmanlarını Kanae İto, Mai Nakahara, Kana Ueda və Mamiko Noto səsləndiriblər.