Sən xadiməsən

Hitoyoşi Yokoyanın qapısında peyda olan naməlum qız dərhal xadimə kimi işə götürülməsini istəyir. Tərəddüd etməsinə baxmayaraq, gənc oğlan onu evinə qəbul edir. Çox keçmədən qonaq keçmişdə muzdlu qatil olduğunu etiraf edir. Hitoyoşi bu xəbərdən çaşqınlıq keçirsə də, qız onun həyatını qurtardıqdan sonra bütün şübhələri kənara qoyur.

Keçmiş qatilin ev işlərində heç bir bacarığının olmadığı dərhal üzə çıxır. Yokoya ilə birlikdə məişət qaydalarını öyrənən qız əvvəllər bilmədiyi duyğuları kəşf edir və adi bir insana çevrilməyə çalışır. Keçmişini geridə qoymaq məqsədilə Hitoyoşidən yeni ad istəyir, o isə qıza Yuki adını verir və beləcə onun dinc həyatı başlayır.

«Kimi wa Meido-sama.» adlı anime serialı 2024-cü ildə Yaponiyada nümayiş olunub və 12 epizoddan ibarətdir. Ekran əsərini rejissor Ayumu Vatanabe ərsəyə gətirib, istehsalı isə Felix Film studiyası həyata keçirib. Baş rolları Toşiki Kumaqai, Reina Ueda, Hikaru İida və Eriko Matsui səsləndirib.