Qəribələr salatı

Özəl xəfiyyə Sosuke Kaburayanın maddi vəziyyəti yaxşı getmədiyi bir vaxtda qarşısına başqa dünyadan gəlmiş Sara da Odin çıxır. Gənc qız əslində sehrli güclərə malik olan şahzadədir. Yeni məkanda sehrin olmadığını bilməyən Sara ətrafı təəccübləndirən cadular işlətməyə başlayır və xəfiyyə onu öz evinə aparmaq məcburiyyətində qalır. İnternet, manqa və gündəlik yapon məişəti ilə tanışlıq sayəsində o, tədricən bura uyğunlaşır və Sosukenin köməkçisinə çevrilir.

Eyni vaxtda Saranın cəngavəri Liviya de Udis də keçiddən keçərək tamam başqa bir yerə düşür. Orada bir evsiz kişi ilə rastlaşan döyüşçü qadın küçə şəraitinə təəccüblü dərəcədə tez alışır. Beləliklə, zadəgan həyatı yaşayan Liviya tamamilə fərqli bir mühitdə qalır. Hər iki qəhrəmanın Yaponiya ilə tanışlığı və nikbinliyi ətrafdakı insanların həyatına öz təsirini göstərir.

«Henjin no Salad Bowl» adlı komediya anime serialı 2024-cü ildə işıq üzü görüb. On iki seriyadan ibarət olan ekran işini Studio Comet və SynergySP studiyaları hazırlayıb.