Itazura na Kiss

Yuxarı sinif şagirdi Kotoko Aihara məktəbin ən savadlı gənci Naoki İriyeyə aşiq olub. O, iki il ərzində dərslərini yaxşılaşdırıb sevdiyi oğlanın oxuduğu nüfuzlu «A» sinfinə keçməyə çalışsa da, bu istəyinə nail ola bilməyib. Buraxılış ilində Kotoko bütün hisslərini bir məktuba yazıb ona təqdim etmək qərarına gəlib. Lakin Naoki hər kəsin qarşısında onun məktubunu rədd edərək ağılsız qızlarla maraqlanmadığını bildirib.

Çox keçmədən Kotokonun ailəsində başqa bir bədbəxt hadisə baş verib: onların təzə tikilmiş evi zəif zəlzələ nəticəsində dağılıb. Qızın atası kömək üçün İri-çan ləqəbli köhnə dostuna müraciət edib və bir müddət onun mənzilində sığınacaq tapmağı qərarlaşdırıb. Həyatından küsmüş qız bu təkliflə razılaşıb, lakin köçəcəyi evin həmin məktəbli gənclə birbaşa bağlı olduğunu sonradan anlayıb.

«Itazura na Kiss» adlı 25 seriyalı romantik anime serialı 2008-ci ildə Yaponiyanın TMS Entertainment studiyası tərəfindən hazırlanıb. Şocyo janrındakı komediyanın rejissoru Osamu Yamazaki olub. Baş personajları Daisuke Hirakawa, Nana Mizuki, Naoko Matsui və Takashi Nagasako səsləndiriblər.