İş! [TV-2]

Hokkaydo adasındakı «Vaqnariya» ailə restoranında işçi çatışmazlığı yarandıqda, yeni heyət axtarmaq tapşırığı Popura Taneşimaya həvalə olunur. Boyu kiçik olduğundan ibtidai sinif şagirdinə bənzəyən qızın sözünə çox az adam məhəl qoyur. Lakin kiçik və şirin hər şeyə heyranlıq bəsləyən gənc Sota Takanaşi onun təklifini qəbul edir və boyca öz həmkarından xeyli hündür olmasına baxmayaraq, restoranda işə başlayır.

Sotanı «Vaqnariya»da kifayət qədər qəribə bir iş mühiti qarşılayır. Burada çalışan qızlardan biri daim yanında qılınc gəzdirir, digəri isə yad kişiləri yumruq zərbəsi ilə qarşılayır. Hərəkətsiz müdir və qeybətcil aşpazların əhatəsində çalışan oğlan bu gərgin mühitə dözmək üçün öz dörd bacısını da nahar bəhanəsilə restorana cəlb edir.

«İş! [TV-2]» komediya janrlı anime serialı Yaponiyanın «A-1 Pictures» studiyası tərəfindən 2011-ci ildə hazırlanıb. Cəmi 13 seriyadan ibarət bu mövsümün rejissorları Yumi Kamakura və Kiyotaka Ohata olub, əsas qəhrəmanları isə Jun Fukuyama, Kana Asumi, Saki Fujita və Daisuke Ono səsləndirib.