Rainbow: Nisha Rokubou no Shichinin

Ötən əsrin əllinci illərinin ortalarında müharibədən çıxmış Yaponiya yoxsulluq və xaosla mübarizə aparırdı. Küçələrdəki cinayətkarlığı yatırtmaq üçün gənc qanun pozucuları üçün sərt rejimli xüsusi cəzaçəkmə müəssisələri yaradılmışdı. Beləliklə, Tokio yaxınlığındakı Şonan koloniyasına müxtəlif səbəblərdən Əsgər, Mario, Co, Kələm, Çılpaq və Tısbağa ləqəbli yeniyetmələr göndərilir.

Mühafizəçilərin və həkimin təzyiqlərinə dözərək altıncı kameraya yerləşən gənclər dərhal öz aralarında lider seçmək istəyirlər. Lakin onların bu planını kameranın digər sakini Sakuraqi adlı böyük məhbus pozur. O, uşaqlara cinayətkar qaydaları ilə deyil, dostluq, sədaqət və insanlıq prinsipləri ilə yaşamağın vacibliyini öyrədir, onların həyat baxışlarını dəyişir.

«Rainbow: Nisha Rokubou no Shichinin» adlı kriminal və dram janrlı anime serialı 2010-cu ildə məşhur «Madhouse» studiyası tərəfindən istehsal olunub. Rejissoru Hiroshi Kojina olan bu tarixi layihədə obrazları Shun Oguri, Romi Park, Takaya Kuroda və Tatsuya Hasome səsləndirib. Serial 26 seriyadan ibarətdir.