Çay işığı

Ata və iki baladan ibarət su siçovulu ailəsi çay kənarında dinc şəkildə ömür sürürdü. Onlar soyuq aylar üçün qida toplayır, quşlardan gizlənir və suyun səsinə qulaq asırdılar. Lakin sahildə insanların inşaat işlərinə başlaması balaca heyvanların yuvasını darmadağın edir.

Evlərini itirən ailə üzvləri doğma yerləri tərk etmək məcburiyyətində qalırlar. İndi onlar təhlükəsiz yeni sığınacaq tapmaq üçün çay boyu çətin və gözlənilməz bir yola çıxırlar.

«Kawa no Hikari» tammetrajlı animesi 2009-cu ildə Yaponiyanın «Gallop» studiyası tərəfindən istehsal olunub. Ekran əsərinin rejissoru Tetsuo Hirakawadır, əsas rolları isə Fumiko Orikasa, Tomoko Kaneda, Koichi Yamadera və Aya Hirano səsləndirib.