Oseam

Beşyaşlı balaca Qil-son və görmə qabiliyyətini itirmiş bacısı Qam-i analarını tapmaq ümidi ilə uzun bir səfərə çıxırlar. Yolda olan uşaqlara Buddist monastırının rahibləri rast gəlir və onlara sığınacaq verərək məbəddə qalmağa icazə verirlər.

Uşaqlar monastır mühitinə alışmağa çalışırlar. Dəcəl və yerində durmayan oğlanın hərəkətləri, eləcə də bacısının varlığı məbəd sakinlərinin sakit, vərdiş etdikləri gündəlik nizamını büsbütün dəyişir.

Cənubi Koreya istehsalı olan tammetrajlı «Oseam» animesi 2003-cü ildə ekranlara çıxıb. Dramatik layihənin rejissoru Son Bək-yopdur, əsas personajı isə Pak Son-yon səsləndirib.