RahXephon: Pluralitas Concentio

Tokiodan kənarda baş verən fəlakətdən sonra sevdiyi qızdan ayrı düşən Ayato Kamina xarici dünyanın tamamilə yox olduğunu düşünürdü. Üç il sonra şəhər gözlənilməz işğalçı hücumuna məruz qalır. Həmin vaxt Ayato ona ətraf aləm barədə həqiqətləri açmağı vəd edən TERRA təşkilatının əməkdaşı Haruka Şito ilə qarşılaşır.

Bu görüş gəncin həyatında qəribə hadisələrin başlanğıcına çevrilir. Nəhəng RahXephon robotunu hərəkətə gətirən Ayato əslində vaxtın daha yavaş axdığı qapalı bir məkanda yaşadığını öyrənir. Eyni zamanda bəlli olur ki, doğma anası da daxil olmaqla ətrafdakı bir çox insanın bədənində mavi qan axır.

Tammetrajlı elmi-fantastik anime 2003-cü ildə Yaponiyanın Bones studiyası tərəfindən istehsal edilib. Ekran işinə Tomoki Kyoda və Yutaka Izubuchi rejissorluq edib, əsas obrazları isə Hiro Shimono, Aya Hisakawa, Hoko Kuwashima və Hirofumi Nojima səsləndirib.