Qaç, Melos!

Melos bacısının toy mərasimi üçün ayin qılıncı almaq məqsədilə Messinadan Sirakuza şəhərinə yola düşür. Şəhərdə olduğu müddətdə o, istedadlı bir heykəltəraşla tanış olur və onlar tez bir zamanda yaxın dostlaşırlar. Çox keçmədən saray bağlarında gəzən Melosu mühafizəçilər yaxalayır. Hər kəsin ona sui-qəsd hazırladığını düşünən şəhər hökmdarı gənci ölüm cəzasına məhkum edir.

Cəzanın qaçılmaz olduğunu anlayan Melos bacısının toyunda mütləq iştirak etmək istəyir və hökmdardan Messinaya getmək üçün cəmi üç gün möhlət istəyir. Təyin olunan vaxt bitdikdə edam olunmaq üçün geri qayıdacağına söz verir. Hökmdar ona inanmır və qaçacağı təqdirdə cəzalandırılacaq könüllü bir zamin tələb edir. Yeni tanış olduğu heykəltəraş dostu Melosun yerinə zamin qalmağa razılaşır.

1992-ci il istehsalı olan «Qaç, Melos!» tarixi macəra və dram janrında tammetrajlı animedir. Yaponiya istehsalı layihə Visual 80 studiyası tərəfindən hazırlanıb və rejissoru Masaaki Osumidir. Baş rolların səsləndirilməsində Takuma Qono, Mequmi Hayasibara, Akici Kobayasi və Aki Mizusava iştirak ediblər.