Tottoi

Anasını itirən Antonio ailəsi ilə birlikdə Qərbi Almaniyanı tərk edərək atasının vətəni Sardiniyaya köçür. Bu adada hamı onu Tottoi kimi çağırmağa başlayır. Yeniyetmə yeni mühitə uyğunlaşmağa çalışır və tezliklə yerli həmyaşıdları ilə dostluq qurur.

Bir gün dəniz mağarasında üzərkən Tottoi nəsli kəsilmiş hesab olunan iki Aralıq dənizi suitisinə rast gəlir. Bu yaşda olan uşaq üçün gördüyü heyrətamiz sirri dostlarından gizli saxlamaq elə də asan məsələ deyil.

«Tottoi» adlı tammetrajlı macəra və dram animesi 1992-ci ildə Yaponiyanın «Nippon Animation» studiyası tərəfindən istehsal olunub. Ekran əsərinin rejissoru Nekomatayadır, baş qəhrəmanları isə Daisuke Namikawa, Kappei Yamaguchi, Junichi Kanemaru və Seizo Kato səsləndirib.