Uçan kabus gəmisi

Okean sularında gəmilər uzun illərdir ki, izsiz-tozsuz yoxa çıxır. Qəzalardan sağ qurtulan azsaylı şahidlər fəlakətdən dərhal əvvəl mistik kabus gəmisini gördüklərini bildirirlər. Qısa müddət sonra bəla quruda da baş qaldırır: Tokio məhəllələrini darmadağın edən nəhəng robot Qolem özünü bu kabus gəmisinin elçisi elan edir.

Şəhər küçələrində hər kəsin gözü qarşısında dinc insanlar yoxa çıxmağa başlayır. Şəhər sakinləri bütün bu fəlakətlərdə həmin gəmini günahlandırır. Yalnız cəsur Hayato deyilənlərə şübhə ilə yanaşır və kabus gəmisi ilə onun sirli kapitanının arxasındakı həqiqəti öyrənməyə qərar verir.

1969-cu ildə Yaponiyada istehsal olunmuş tammetrajlı fantastik anime filmi Toei Animation studiyası tərəfindən hazırlanıb. Ekran əsərinin quruluşçu rejissoru Hiroshi Ikeda, əsas personajları səsləndirənlər isə Goro Naya, Masako Nozawa, Akio Tanaka və Akira Nagoyadır.