Simfoqir [TV-1]

Canlı orqanizmləri karbona çevirən Noys adlı qəribə məxluqlar bəşəriyyət üçün böyük təhlükəyə çevrilir. Adi silahlar onlara təsir etmədiyindən, müdafiə yükü qədim kristalları öz səsləri ilə oyadaraq xüsusi zireh geyinən gənc qızların üzərinə düşür. Uzun müddət bu mübarizəni Tsuzaba Kazenari və Kanade Amo dueti aparır. Lakin növbəti konsert zamanı baş verən hücumda Kanade balaca bir qızı xilas etmək naminə həyatını itirir.

Hadisedən iki il sonra həmin qız, yəni Hibiki Tatibana bədənində qalmış qəlpələr sayəsində döyüş zirehini aktivləşdirə bildiyini anlayır. O, təhlükəyə qarşı durmaq üçün mübarizəyə qoşulmaq qərarı verir. Tərəfdaşının itkisi ilə barışa bilməyən Tsubasa əvvəlcə təcrübəsiz qızla işləmək istəməsə də, düşmənin güclənməsi onları çiyin-çiyinə döyüşməyə məcbur edir.

«Simfoqir [TV-1]» 2012-ci ildə Yaponiya istehsalı olaraq ekranlara çıxmış 13 seriyalıq musiqili fantastika anime serialıdır. Ekran əsəri Tatsufumi Tamaqavanın rəhbərliyi altında Satelight və Encourage Films studiyaları tərəfindən hazırlanıb. Baş rolları Aoi Yuuki, Miyuki Savaşiro, Nana Mizuki və Yuka İquçi səsləndirib.