Summer Wars

Riyaziyyat və kompüter sahəsində istedadı olan on yeddi yaşlı Kenci Koiso vaxtının çox hissəsini «Oz» adlı virtual məkanda keçirir. Sinif yoldaşı Natsukinin xahişi ilə o, qızın nənəsinin yubileyinə yollanır və orada qəfil sürprizlə üzləşir. Natsuki kənddəki qohumlarına Kencini öz sevgilisi kimi təqdim edir və utancaq oğlan heç gözləmədiyi halda yalançı münasibət oyununa qatılmalı olur.

Real həyatdakı qəribə vəziyyət azmış kimi, gecə saatlarında Kencinin telefonuna sirli bir riyazi tapmaca gəlir. Həmin şifrəni həll edən gənc bilmədən şəbəkəyə təhlükəli süni intellekti buraxır və bu proqram bütün bəşəriyyəti təhdid etməyə başlayır. Nəticədə Kenci bir tərəfdən Natsukinin ailəsi qarşısında rolunu davam etdirir, digər tərəfdən isə virtual aləmi xilas etmək üçün mübarizəyə qoşulur.

«Summer Wars» adlı tammetrajlı fantastik anime 2009-cu ildə Yaponiyada istehsal olunub. Macəra və komediya janrlarını birləşdirən layihənin rejissoru Mamoru Hosodadır. Baş personajları səsləndirənlər arasında Ryunosuke Kamiki, Nanami Sakuraba, Mitsuki Tanimura və Takahiro Yokokawa yer alır.