Hamatora The Animation

Minimum adlanan fövqəltəbii güc sahibləri öz bacarıqlarından fərqli məqsədlər üçün istifadə edirlər. Bəziləri bu qabiliyyətin məsuliyyətini daşıdığı halda, digərləri özlərini adi insanlardan üstün tutur. Ənənəvi asayiş keşikçiləri bu cür cinayətkarlarla mübarizədə aciz qaldıqda, işə polis intizamından uzaq duran müstəqil xəfiyyələr qarışır.

«Hamatora» adlı detektiv agentliyi bir-birinə tamamilə zidd olan iki tərəfdaşdan — çılğın Nays və təmkinli Murasakidən ibarətdir. Onların ayrıca ofisi yoxdur və bütün işlərini «Heç yer» kafesindəki tək bir masada həll edirlər. Kafenin sahibi onlara həyat təcrübəsi ilə dəstək olur, gənc Koneko isə eyni zamanda agentliyin işlərini idarə edir.

12 seriyadan ibarət olan bu Yaponiya istehsalı anime serialı 2014-cü ildə NAZ studiyası tərəfindən ərsəyə gətirilib. Layihənin rejissor kürsüsündə Seiji Kishi və Hiroshi Kimura əyləşib, əsas obrazları isə Ryota Osaka, Wataru Hatano, Emiri Kato və Kiyono Yasuno səsləndirib.