Gənc Qara Cek

Ötən əsrin altmışıncı illərinin sonunda Vyetnam müharibəsinin təsiri ilə Yaponiyada kütləvi gənclər etirazları və nümayişlər baş qaldırır. Tokio Universitetinin tibb fakültəsinin tələbəsi Kuro Hazama isə siyasi qarşıdurmalardan kənarda qalmağı seçir. Bədəni çapıqlarla dolu olan bu gənc bütün gücünü cərrahiyyə sənətinə və insanları xilas etməyə sərf edir.

Vextilə həkim Cotaro Honma tərəfindən həyata qaytarılan Hazama Hipokrat andına sadiq qalaraq təbabətin çətinlikləri ilə üzləşir. Hələ tələbə olmasına baxmayaraq, onun cərrahi bıçaqla işləmək bacarığı təcrübəli mütəxəssisləri belə təəccübləndirir. Ədalətsizliklə qarşılaşan və mövcud qanunları aşmağa məcbur olan istedadlı gənc tədricən gələcəyin lisenziyasız əfsanəvi həkimi Qara Cekə çevrilir.

«Young Black Jack» tarixi dram janrında çəkilmiş 12 seriyalıq anime serialıdır. 2015-ci ildə Yaponiyanın «Tezuka Productions» studiyası tərəfindən hazırlanan bu layihə məşhur «Black Jack» franşizasının bir hissəsidir. Əsas personajları Cunta Terasima, Mamoru Miyano, Daisuke Hirakava və Hikaru Midorikava səsləndiriblər.