Drakula

Van Helsinq nəslinə məğlub olduğu zənn edilən qaniçən hökmdar Vlad Tsepeş, yəni əfsanəvi Drakula sağ qalmağı bacarıb. O, qan ovunu davam etdirərək izinı Amerikaya qədər aparıb çıxarır. Qraf burada ölümlü bir qadınla ailə qurur və həmin qadından onun bir oğlu dünyaya gəlir.

Qədim ovçu ailəsinin davamçıları Bostondan Nyu-Yorkun küçələrinə, oradan isə Transilvaniyanın xarabalıqlarına qədər uzanan qanlı izləri izləyirlər. Lakin bu dərəcədə qədim bir qüvvəni aradan qaldırmaq üçün təkcə adi insanların bacarıqları kifayət etmir.

1980-ci ildə ABŞ və Yaponiya tərəfdaşlığı ilə ərsəyə gələn bu tammetrajlı anime filmini Toei Animation studiyası hazırlayıb. Ekran əsərinin quruluşçu rejissorları Akinori Naqaoka və Minoru Okazakidir, əsas rolları isə Kenci Utsumi, Hiroko Suzuki, Kazuyuki Soqabe və Yasuo Hisamatsu səsləndirib.