Miyuki

Yuxarı sinif şagirdi Masato sinif yoldaşı Miyuki Kadzimaya qarşı dərin hisslər bəsləyir. Lakin altı illik fasilədən sonra onun kiçik bacısı evinə qayıtdıqda vəziyyət qəfil dəyişir, çünki bacısının da adı Miyukidir. Masato onların arasında qan qohumluğu olmadığını bilsə də, birlikdə yaşamaq onun düşüncələrində və hisslərində böyük çaşqınlıq yaradır.

Gənc oğlan bacısını narahat etməmək üçün həqiqəti ondan gizli saxlamağa qərar verir. Beləliklə, o bir tərəfdən bacısının çoxsaylı pərəstişkarları ilə məşğul olur, digər tərəfdən isə sinif yoldaşı Kadzima ilə münasibətlərini davam etdirir. Masato hər iki Miyukiyə olan hisslərini saf-çürük edib əsl sevgisinin kim olduğunu anlamağa çalışır.

«Miyuki» adlı 37 seriyalıq bu anime serialı 1983-cü ildə Yaponiyada istehsal olunub. Kitty Film Mitaka Studio tərəfindən ərsəyə gətirilən ekran əsərinin quruluşçu rejissoru Mizuho Nishikubodur. Baş qəhrəmanları Yoko Oginome, Katsumi Toriumi, Hiromi Tsuru və Kaneto Shiozawa səsləndiriblər.