Şahzadə və qoblin

Kral uzaq səfərə yollandıqda, qızı şahzadə Ayrini yatmağı çox sevən qoca dayəsi Lyuttinin himayəsində qoyur. Nəzarətsiz qalan balaca qız Repka adlı pişiyi ilə birlikdə meşənin dərinliklərinə doğru gedir və tezliklə yolunu itirir. Qaranlıq ağacların arasında onları yaxalamağa çalışan qara caynaqlı əllər balacaları bərk qorxudur.

Bu meşə qorxunc qoblinlərin gizləndiyi təhlükəli bir məkandır. Ayrinin başına gələn bu sehirli hadisələr pis nəticələnə bilərdi, lakin vaxtında onun qarşısına Kerti adlı oğlan çıxır. Yeni dostu şahzadəyə qoblinləri uzaqlaşdırmağın ən təsirli yolunu öyrədir: bu qəribə canlılar ucadan oxunan mahnılara dözə bilmirlər.

«The Princess and the Goblin» cizgi filmi 1991-ci ildə ABŞ, Böyük Britaniya, Yaponiya, Danimarka və Macarıstan istehsalı kimi təqdim olunub. Ekran əsərinin rejissoru Yojef Qemeşdir, əsas rolları isə Cess Ekland, Kler Blum, Roy Kinner və Səlli Enn Marş səsləndirib.