
Pippi Uzuncorab
Cəsur Pippi Uzuncorab dənizlərdə gəmi ilə səyahət etməyə öyrəşib. O, kapitan olan atası Efraim, meymunu cənab Nilson və sevimli atı ilə birlikdə vaxt keçirir. Güclü gecə fırtınası zamanı nəhəng dalğa atanı göyərtədən dənizə atır. Kapitan gözdən itməzdən əvvəl qızına qəsəbədəki ailə evinə gedib onu orada gözləməsini tapşırmağa macal tapır.
Atasının sözünə qulaq asan qız heyvanları və qızıl dolu sandığı ilə birlikdə sahil şəhərciyinə gəlir. O, kimsəsiz qalmış evdə məskunlaşaraq qonşuluqda yaşayan Tommi və Annika adlı uşaqlarla dostluq qurur. Lakin Pippinin təkbaşına yaşaması yerli sakin xanım Priseliusun xoşuna gəlmir və o, qızı uşaqlar evinə göndərmək qərarına gəlir.
1997-ci ildə çəkilən «Pippi Uzuncorab» cizgi filminin rejissoru Pol Raylidir. Kanada, Almaniya və İsveçin birgə istehsalı olan ekran əsərində qəhrəmanları Melissa Altro, Riçard Binsli, Noa Rid və Oliviya Qarrett səsləndiriblər.
«Pippi Uzuncorab» onlayn izlə
Cizgi filmi haqqında
Rollarda
Rəylər 0
Hələ rəy yoxdur — ilk siz yazın