Dinozavr

Yumurtadan çıxdığı andan lemurlar tərəfindən böyüdülən nəhəng iquanodont Aladar təhlükəsiz mühitdə boya-başa çatır. Dağıdıcı meteorit yağışı və susuzluq qədim canlıları yeni sığınacaq axtarmağa məcbur edir. Beləliklə, Aladar öz növündən olan nəhəng dinozavrların köç karvanına qoşulur.

Sürüyə rəhbərlik edən amansız Kron zəifləri geridə qoymağa üstünlük verir və Aladar köməksiz canlıları qoruyarkən onunla qarşı-qarşıya gəlir. Yolda qəfil torpaq sürüşmələri və yırtıcı karnotavrların hücumları ilə üzləşən dostlar hədəflədikləri yaşıl dərəyə çatmağa çalışırlar.

ABŞ istehsalı olan «Dinozavr» cizgi filmi 2000-ci ildə ekranlara çıxıb. Ailəvi macəra layihəsinin quruluşçu rejissorları Erik Leyton və Ralf Zondaqdır. Səsləndirmədə Elfri Vudard, Ossi Devis, Maks Kazella və Heyden Panetteri iştirak ediblər.