Macskafogó

Pişik dəstələri siçanlara qarşı qəti zərbə endirmək üçün cinayətkar qruplar halında birləşirlər. Çıxılmaz vəziyyətə düşən siçanlar ümidsizliyə qapılsalar da, tezliklə bir xəbər vəziyyəti dəyişir. Məlum olur ki, professor Fuşimyşi adlı alim pişikləri zərərsiz və çarəsiz hala salacaq xüsusi bir qurğu hazırlayıb.

Alimin hazırladığı planları əldə etmək üçün siçanların ən bacarıqlı gizli agenti yola çıxır. Lakin öz casusları vasitəsilə bu təhlükədən xəbər tutan pişiklər dərhal hərəkətə keçirlər. Təhlükəli ixtiranın qarşısını almaq üçün agentin arxasınca qatil siçovullar göndərilir.

«Macskafogó» animasiya filminin rejissoru Bela Ternovskidir. Macarıstan, Kanada və AFR-in birgə istehsalı olan bu komediya 1986-cı ildə ekranlara çıxıb. Əsas personajları Mikloş Benedek, Dyula Bodroqi, İlona Bereş və Peter Haumann səsləndiriblər.