Klaus

Böyük poçt imperiyasının rəhbəri tənbəl oğlu Jesperi cəzalandırmaq və ona həyat dərsi vermək üçün şimalın ucqar Smeerensburg qəsəbəsinə yollayır. Gənc oğlan bir il ərzində poçt şöbəsini işlək vəziyyətə gətirməli və ən azı altı min məktub qəbul etməlidir. Təyinat yerinə çatan Jesper yerli sakinlərin iki düşmən qütbə bölündüyünü və bir-biri ilə daimi çəkişmədə olduğunu görür; kimsəsiz qalmış poçt binası isə çoxdan toyuq hinini xatırladır.

Heç kimin məktub yazmadığı bu qəsəbədə vəzifəni yerinə yetirmək ümidsiz görünür. Lakin Jesper meşə kənarında tənha yaşayan Klaus adlı qoca oyuncaq ustası ilə tanış olur. Bu gözlənilməz təmas iki fərqli insanın birgə addımlarına yol açır və soyuq şəhərin həyatında yeni hadisələrin başlanğıcına çevrilir.

2019-cu ildə təqdim olunan «Klaus» cizgi filmi İspaniya, ABŞ, Böyük Britaniya, Kanada, Fransa və Avstriya istehsalıdır. Ekran əsərinə Serxio Pablos və Karlos Martines Lopes rejissorluq edib, obrazları Ceyson Şvartsman, C.K. Simmons, Rəşidə Cons və Coan Kyusak səsləndirib.