Əjdahalar Şahzadəsi

Əjdahalar tərəfindən böyüdülən Bristl adlı qızcığaz mağarada öz ailəsi ilə birgə yaşayır. Qəzəbli sehrbaza borclu qalan əjdaha ata borcunu ödəmək üçün ən qiymətli ikinci xəzinəsini, yəni Bristli verməyə qərar verir. Çarəsiz vəziyyətdə qalan qız doğma yuvasını tərk edərək naməlum tərəflərə üz tutur.

Qaçış qəhrəmanı insanların yaşadığı dünyaya gətirib çıxarır. «Princesse Dragon» cizgi filmində Bristl insan cəmiyyətində dostluq və həmrəyliyin nə olduğunu kəşf edir. Eyni zamanda o, insanların qəlbini zəhərləyən tamahkarlıq və hərisliklə də üz-üzə gəlir.

Fransada istehsal olunmuş 2021-ci il animasiya layihəsinin rejissorları Jan-Jak Deni və Antoni Rudur. Əsas personajları Lila Lakomb, Keysi Çeyz, Jeremi Koviyo və Kolett Venhard səsləndiriblər.