Spies in Disguise

Gizli agent Lens Sterlinq şəhərləri təhlükələrdən qorumağa və diqqət mərkəzində olmağa alışıb. Həyat dolu casusun yolu gözlənilmədən gənc alim Volter Bekket ilə kəsişir. İnsanlardan uzaq durmağa çalışan Volter isə vaxtını yalnız qeyri-adi ixtiraları və cihazları arasında keçirməyə üstünlük verir.

Hadisələr gözlənilməz istiqamət alanda bu iki fərqli xarakter bir araya gəlməyə məcbur olur. Dünyanı xilas etmək naminə qəhrəmanlar Volterin hazırladığı xüsusi kamuflyaj üsullarından yararlanaraq bacarıqlarını tamamilə fərqli şəkildə sınayırlar.

«Spies in Disguise» cizgi filmi 2019-cu ildə ABŞ-da istehsal olunub. Ekran işinə Nik Bruno və Troy Kvon rejissorluq edib, əsas obrazları isə Uill Smit, Tom Holland, Raşida Cons və Ben Mendelson səsləndiriblər.