Leo

Leo adlı qoca kərtənkələ uzun illərdir ki, tısbağa Skvirtl ilə birlikdə ibtidai məktəb sinfindəki terrariumda yaşayır. Onilliklər ərzində böyüyən uşaqları müşahidə edən bu canlılar insan kimi danışmağı öyrənsələr də, bu sirri hamıdan gizli saxlayırlar. Günlərin birində kərtənkələlərin cəmi yetmiş beş il ömür sürdüyünü eşidən qəhrəman özünün artıq yetmiş dörd yaşında olduğunu anlayır. Həyatı boyu heç nə görmədiyini başa düşən qoca dost dərhal qaçış planı qurmağa başlayır.

Müvəqqəti təyin olunan müəllimə uşaqlara məsuliyyət hissini aşılamaq üçün canlıları həftəsonu növbə ilə evə aparmağı tapşırır. Leo bu fürsətdən istifadə edərək azadlığa çıxmaq istəsə də, gözlənilmədən şagirdlərdən birinin yanında dil açıb danışır. Sirrini qorumaq məcburiyyətində qalan kərtənkələ beşinci sinif şagirdlərinin qayğılarını dinləməyə və onlara həyati məsləhətlər verməyə başlayır.

«Leo» musiqili animasiya filmi rejissorlar Robert Marianetti və Robert Şmigel tərəfindən ərsəyə gətirilib. Baş personajı Adam Sendler səsləndirib, digər rollarda isə Bill Börr, Sesili Stronq və Ceyson Aleksander yer alıb. ABŞ və Avstraliya birgə istehsalı olan bu ailəvi komediya 2023-cü ildə təqdim edilib.