Qala: Qalxan və qılıncla

Hadisələr 1609-cu ildə cərəyan edir: Polşa-Litva qoşunları Smolensk şəhərini mühasirəyə alır. Bu qala Moskvaya gedən yolun əsas maneəsidir, buna görə də voyevoda Mixail Şeinin rəhbərliyindəki qarnizon sonadək müqavimət göstərmək niyyətindədir. Şəhərin təslim edilməyəcəyini uşaqlar da yaxşı başa düşür.

Balaca Saşka xəmirdən partlayıcılar hazırlayır və müdafiə naminə Odlu Qalxana, Alovlu Nizəyə sahib sehirli Çarı köməyə çağırmağa çalışır. Möcüzəli xilaskar gələnə qədər Saşka və dostu Fyodor voyevodaya köməkçi yazılırlar. Dostlar kral Üçüncü Sigizmundun planlarını pozmalı və qala daxilində gecələr dolaşan qara qüvvələrlə üzləşməlidirlər.

Rusiyanın 2015-ci il istehsalı olan macəra janrlı «Kрепость: щитом и мечом» cizgi filminin rejissoru Fyodor Dmitriyevdir. Baş qəhrəmanları Pyotr Fyodorov, Yevgeni Stıçkin, Yelena Şulman və Yekaterina Qoroxovskaya səsləndirib.