Parisdə bir bədheybət

1910-cu ildə Fransa paytaxtında nəhəng həşərata bənzəyən qəribə bir varlıq peyda olaraq bütün ölkəni qorxuya salır. Utancaq bir kinomexanik ilə yorulmaz ixtiraçı həmin canlını tapmaq üçün axtarışa başlayırlar.

Bu təqib zamanı dostlar kabare müğənnisi, dəlisov alim və onun dərrakəli meymunu ilə rastlaşırlar. Tezliklə aydın olur ki, hamını vahiməyə salan bu məxluq əslində tamamilə ziyansızdır və birəyə bənzəyir. İndi həmin bədheybət qəddar polis rəisindən gizlənmək üçün yeni tanışlarının köməyinə möhtac qalır.

«Un monstre à Paris» adlı animasiya filmi Fransa və Belçika istehsalıdır, layihənin rejissoru Bibo Berjerondur. Əsas rolların səsləndirilməsində Vanessa Paradi, Matye Şedid, Qad Elmaleh və Fransua Klüze iştirak ediblər.