Kosmosdan qaçış

Brembl adlı ayı həmişə böyük qəhrəmanlıqlar arzulayırdı və meşədə qəribə bir qonaqla rastlaşması onun həyatını dəyişir. Yadplanetli Evi ilə tanışlıq meşə sakininə qeyri-adi bacarıqlar bəxş edir. Artıq Brembl ağlına gələn hər bir istəyi yalnız fikir gücü ilə gerçəkləşdirə bilir.

Evinin mənsub olduğu inkişaf etmiş xalq milyon illər əvvəl Yeri tərk etmişdi. Yadplanetli qədim şəhəri, eləcə də ailəsini axtarmaq və bəşəriyyətlə qabaqcıl texnologiyaları bölüşmək üçün geri qayıdır. Lakin kainata sahiblənmək istəyən kosmik quldurlar da onun izinə düşərək planetə gəlirlər. Brembl və meşədəki yoldaşları yeni dostlarına kömək etmək üçün təhlükəli düşmənlərlə mübarizəyə qoşulurlar.

«Kosmosdan qaçış» (Boonie Bears: Back To Earth) cizgi filmi 2022-ci ildə Çində istehsal olunub və layihənin rejissoru Lin Xueydadır. Ekran əsərinin personajlarını Li Vanyao, Boogi Vanq və digər aktyorlar səsləndiriblər.