Rock-A-Doodle

Şantekler adlı xoruz hər səhər öz mahnısı ilə günəşin doğmasını təmin edirdi. Bu vəziyyət qaranlığı sevən və işığa nifrət edən Böyük Hersoq ləqəbli qorxunc bayquşu bərk qəzəbləndirirdi. Bir gün başqa bir xoruzla dalaşan Şantekler oxumağı unudur və günəş onun səsi olmadan çıxır. Rəzil olduğunu düşünən ifaçı fermasını tərk edərək böyük şəhərə üz tutur.

Onun gedişindən sonra səmanı qara buludlar bürüyür və günəş artıq çıxmır. Zülmətin hökm sürdüyünü görən sevincli bayquşa qarşı balaca ağ pişik Edmond və fermadakı dostları birləşir. Onlar Şantekleri tapmaq və itirilmiş günəşi geri qaytarmaq məqsədilə təhlükəli bir səyahətə çıxırlar.

«Rock-A-Doodle» cizgi filmi rejissorlar Don Blut və Qari Qoldman tərəfindən lentə alınıb. Qəhrəmanları Qlen Kempbell, Eddi Dizen, Sorrel Buk və Sendi Dunkan səsləndiriblər. ABŞ, Böyük Britaniya və İrlandiya istehsalı olan bu musiqili ailə filmi 1990-cı ildə təqdim edilib.